დიდი ზღვაოსნის ბლოგი

ვალუტის კურსი და ისტორია

Imageსის

Advertisements

მაისი 9, 2013 Posted by | ფერადი | , , | დატოვე კომენტარი

ექსკურსია ზეციურ საქართველოში

არა, ზეციური საქართველო იქ არ არის, სადაც გეგონათ. მზის სისტემაში უამრავი მცირე პლანეტაა წარმოდგენილი, რომელიც ჩვენი ვარსკვლავის ირგვლივ ორბიტაზე მოძრაობენ. როგორც ვიკიპედია ირწმუნება, მათი რაოდენობა ნახევარ მილიონს აღემატება, თუმცა მათგან მხოლოდ 16 ათასს გააჩნია საკუთარი სახელი. მცირე პლანეტებისთვის სახელების მინიჭება მათი პირველაღმომჩენების პრეროგატივაა და ამ ადამიანების ფანტაზიის შესახებ გარკვეულ წარმოდგენასაც გვიქმნის. ჯუჯა პლანეტებს შორის შეხვდებით როგორც მითოლოგიურ პერსონაჟებს, ასევე დედამიწაზე არსებულ სრულიად რეალურ ადამიანებს, ქვეყნებს, დასახლებულ პუნქტებს და ა.შ.

საინტერესოა, რომ 2003 წელს გერმანელი ასტრონომის, ლუც შმადელის მიერ გამოცემულ კატალოგში ოცამდე ისეთი პლანეტაა, რომელთა სახელებიც საქართველოსთანაა დაკავშირებული. პირველი მათგანი, “თამარი” ჯერ კიდევ 1892 წელს აღმოაჩინა იოჰან პალისამ, თუმცა ის ლეგენდა, რომელიც შმადელის წიგნშია მოცემული, უფრო ”მწირის” მოკლე შინაარსია, ვიდრე ჩვენთვის ნაცნობი თამარ მეფის ისტორია.

მომდევნო მცირე პლანეტა გახლავთ თბილისი, რომელიც ყირიმში, სიმეიზის ასტროფიზიკურ ობსერვატორიაში აღმოაჩინა გრიგორი ნეუიმინმა. სხვათა შორის, ნეუიმინი თხუთმეტი ”ქართული” პლანეტიდან ოთხის – ხსენებული ”თბილისის”, ”საქართველოს”, ”კოლხეთის” და ”ქუთაისის”  ნათლია გახლავთ.

Image

დანიელმა ასტრონომმა რიკარდ მარტინ ვესტმა თავის მიერ აღმოჩენილ 39 მცირე პლანეტიდან 8-ს ქართული სახელი დაარქვა – ”თამრიკო”, ”ნუკი”, ”ირაკლი”, ”მცხეთა”, ”ხარაძე”, ”გუდიაშვილი”, ”ყაზბეგი” და ”კაკაბაძე” ვესტის სამეცნიერო ხელმძღვანელის, ევგენი ხარაძის და ასევე მისი ქართველი მეუღლის, თამარ ჩოფიკაშვილის დიდი გავლენის მაჩვენებელია. მზის სისტემაში ასევე იპოვით ”რუსთაველს”, ”აბასთუმანს”, ”ზურაბ წერეთელს”, ”დათოს” და ”სვანეთს”.  1970 წელს სმირნოვას მიერ გამოვლენილ ”მახარაძეს” კი ჯერჯერობით ისევ ძველი სახელი ჰქვია.

მოკლედ, თუკი ძიების სურვილი არ გასვენებთ და დედამიწა თქვენს მოთხოვნებს უკვე ვეღარ აკმაყოფილებს, სადღაც, მარსსა და იუპიტერს შორის აუცილებლად იქნება პატარა პლანეტა, რომელიც თავის პირველაღმომჩენს მოუთმენლად ელის

აპრილი 12, 2012 Posted by | ფერადი | , , , , , | %(count)s კომენტარი

ჩვენზე პატარები

The Economist -მა გამოაქვეყნა რამდენიმე ინფოგრაფიკა, რომელიც გვიჩვენებდა, თუ რომელი სახელმწიფოები შეიძლებოდა ”ჩატეულიყვნენ” აშშ-ის, ინდოეთის და ჩინეთის ტერიტორიულ ერთეულებში სხვადასხვა მაჩვენებლების მიხედვით. მსგავსი ექსპერიმენტის განხორციელება საქართველოს მაგალითზეც ძალიან საინტერესო აღმოჩნდა. როგორც ვხედავთ, ფართობის და დემოგრაფიული მონაცემების მიხედვით ჩვენი ქვეყნის რეგიონებიც კი მსოფლიოს სხვადასხვა სუვერენულ სახელმწიფოს თუ დამოკიდებულ ტერიტორიას მნიშვნელოვნად აღემატებიან.

საქართველო პატარა ქვეყანაა. იმდენად პატარა, რომ ზოგიერთ მეზობელს ჩვენს ტერიტორიაზე ასჯერ დიდი ავტონომიური ერთეულები აქვს. ჩვენს საყოველთაოდ აღიარებულ საზღვრებში ანუ 69.7 ათას კვადრატულ მეტრზე თავისუფლად დაეტევა იამაიკა, კატარი, ლიბანი, კვიპროსი, კაბო-ვერდე და კიდევ მორჩება ადგილი ერთი დუჟინი უფრო მცირე ზომის ქვეყნისთვის, როგორებიცაა ჩვენთან არაერთგზის ნაქები სინგაპური, ასევე – ტონგა, მალტა, ბარბადოსი და სხვა.

საინტერესოა, რომ სამცხე-ჯავახეთში ორი ლუქსემბურგის ოდენა ქვეყანა ჩაეტევა, თბილისის ტერიტორია დაახლოებით უდრის კირიბატის ხმელეთის ფართობს, ხოლო აჭარის ფართობი იმდენივეა, რამდენიც რაგბისტებით განთქმული დასავლეთ სამოასი.

”ჯეოსტატის” უახლესი შეფასებით, საქართველოს 4.4 მილიონი მოსახლე ყავს, ანუ დაახლოებით იმდენი, რამდენიც ერთად ცხოვრობს ეკვატორულ გვინეაში, კომორის კუნძულებზე, ჩერნოგორიაში, სოლომონის კუნძულებზე, სურინამში, კაბო-ვერდეზე, ლუქსემბურგსა და ბრუნეში. რაჭა-ლეჩხუმსა და ქვემო სვანეთში, რომელიც განსაკუთრებით ზარალდება მოსახლეობის მიგრაციით, იმაზე 5-ჯერ მეტი ადამიანი ცხოვრობს, ვიდრე აფხაზეთისა და ცხინვალის რეგიონის მაღიარებელ ნაურუზე.

როგორც ვხედავთ, ჩვენზე გაცილებით პატარებიც არსებობენ, ასე რომ ამ მხრივ საწუწუნო არაფერი გვაქვს. მთავარი ისაა, როგორ ვუვლით და ვუფრთხილდებით ჩვენს  საკუთრებას.

ივნისი 25, 2011 Posted by | ზღვაოსნის ჩანაწერები, ფერადი | , , , , , , , | დატოვე კომენტარი

ვინ გსურთ მეზობლად?

გიფიქრიათ იმაზე, თუ რა ტიპის ადამიანებს არ ისურვებდით მეზობლად? მსოფლიო ღირებულებების კვლევის შედეგების მიხედვით აღმოჩნდა, რომ ქართველების აბსოლუტური უმრავლესობისთვის ლოთები, ნარკომანები, შიდსით დაავადებულები და ჰომოსექსუალები არასასურველი მეზობლები იქნებოდნენ.ამ გამოკვლევის შესახებ ჩემს ერთ-ერთ ადრინდელ პოსტშიც ვსაუბრობდი, დღეს კი მინდა, კიდევ რამდენიმე საინტერესო შედეგი გაგაცნოთ და ამასთან, ჩვენი ქვეყნის მონაცემები აღმოსავლეთ ევროპის რამდენიმე სახელმწიფოში დაფიქსირებულ შედეგებს შევადაროთ.

გამოკითხვის შედეგებიდან ჩანს, რომ შიდსით დაავადებულთა და ჰომოსექსუალთა მიმართ არსებული სტიგმა მეტად მძლავრადაა საზოგადოებაში გამჯდარი. ერთადერთი ”უცხო” ელემენტი, რომელიც არასასურველ მეზობლად ქართველების ყველაზე მცირე რაოდენობამ დაასახელა, განსხვავებულ ენაზე მოსაუბრეები არიან.  ყველაზე ”შეუწყნარებელ” ”სხვებად” ჩვენთან ასევე ითვლებიან ალკოჰოლიზმით და ნარკომანიით დაავადებულები. ქართველების აბსოლუტური უმრავლესობა თვლის, რომ მათ მიკროსამყაროში (სამეზობლო სწორედ ამგვარ სივრცედ უნდა ჩაითვალოს) ამგვარი ადამიანების ადგილი არ არის.  ჩანს, რომ ქართულ საზოგადოებას ისევ საკმაოდ უჭირს ე.წ. ”განსხვავებულების” და მარგინალური ელემენტების ”ატანა”. თუკი სამი ქვეყნის მაჩვენებლებს შევადარებთ, ”სხვებისადმი” დამოკიდებულება ყველაზე რადიკალური სწორედ საქართველოშია, შედარებით ტოლერანტული კი – ბულგარეთში.

საქართველოს მოსახლეობის რელიგიისადმი დამოკიდებულება საუბრის ცალკე თემაა. კვლევის შედეგებიდან ჩანს, რომ ჩვენი ქვეყნის მაცხოვრებელთა 80%-ზე მეტი თვლის, რომ არამორწმუნე პოლიტიკოსები საჯარო თანამდებობებისთვის შეუფერებელნი არიან, როდესაც დანარჩენ ქვეყნებში აღნიშნული მაჩვენებელი გაცილებით მცირეა.

წინა მონაცემებით ასე თუ ისე შეიძლება შევაფასოთ ჩვენი საზოგადოების ტოლერანტულობის ხარისხი სხვებთან შედარებით. მნიშვნელოვანია ისიც, რომ სქესთა შორის დამოკიდებულება ასევე საკმაოდ რთულია – ჩვენთან გამოკითხულთა ნახევარზე მეტი თვლის, რომ სამუშაოზე მიღებისას მამაკაცებს უპირატესობა უნდა მიენიჭოთ, როდესაც ბულგარელთა 50% და სერბების თითქმის ორი მესამედი უარყოფითად აფასებს მსგავს სიტუაციას

კიდევ ერთი თვალშისაცემი განსხვავება არის დამოკიდებულება მარტოხელა დედებისადმი. გამოკითხულთა 60% საქართველოში არ ამართლებს მათ, ხოლო 17%-თვის გადაწყვეტილების მისაღებად კონტექსტის გათვალისწინებაა საჭირო. განხილული ორი ქვეყნის შემთხვევაში კი მარტოხელა დედებისადმი დადებითად განწყობილი რესპოდენტების პროცენტული წილი უარყოფითისას მნიშვნელოვნად აღემატება.

თანამედროვე საზოგადოების მშენებლობა დიდადაა დაკავშირებული სხვა ადამიანებისადმი შემწყნარებლურ დამოკიდებულებასთან, მიუხედავად არსებული მრავალი რადიკალური მოსაზრებისა. ”განსხვავებულებისადმი” შიში და ადამიანებში არსებული ფობიები უფრო პრობლემებზე მიუთითებენ, ვიდრე პროგრესულობასა და სიცოცხლისუნარიანობაზე. ”სხვების” იგნორირებამ შეიძლება უფრო რთულ შედეგებამდე მიგვიყვანოს, ვიდრე იმის აღიარებამ, რომ სირთულეები ჩვენშია და ცვლილებებს ვსაჭიროებთ. გზა რთული და წინააღმდეგობრივია, თუმცა აუცილებლად გასავლელი და გადასალახი.

თებერვალი 9, 2011 Posted by | ფერადი | , , , , , , , , , , | 5 Comments

გათავისუფლებული პროლეტარი

რუსეთში საბჭოთა ხელისუფლების დამყარების და სამოქალაქო ომის დასრულების შემდეგ ქვეყნის პირველი სტანდარტული საფოსტო მარკების სერია გამოიცა. გამოცხადებულ კონკურსში მიხაილ ანტონოვის მიერ წარმოდგენილმა ესკიზმა გაიმარჯვა. მასზე გამოსახული იყო მუშა მახვილით ხელში, რომელმაც დასცა რა დრაკონის სახით კაპიტალიზმი, მასზე გადაბიჯებით სინათლისაკენ მიიწევს. მარკის სახელწოდებაც სწორედ ასე ჟღერდა – ”გათავისუფლებული პროლეტარი (სინათლისაკენ!)”.

ანტონოვმა ესკიზისათვის მსოფლიო მითოლოგიაში ჭაბუკისა და გველეშაპის დაპირისპირების კარგად ცნობილი მოტივი გამოიყენა, რომლის პირველ კლასიკურ მაგალითად აპოლონის მიერ ურჩხულ პითონის დამარცხება ითვლება. სინათლის ღმერთი, რომელიც ახალი სამყაროს წარმომადგენელია, ქთონურ (მიწიერ) არსებას – ძველი საზოგადოების განსახიერებას კლავს. ზოგადად, ბერძნული მითოსი ხშირ შემთხვევაში წარმოადგენს რეგიონში მიმდინარე მოვლენების ანარეკლს. ახალი და ძველი თაობის ღმერთების დაპირისპირება შეიძლება მოვიაზროთ, როგორც მომხდურ ელინურ ტომებსა და ადგილობრივ წინაბერძნულ საზოგადოებას შორის არსებული კონფლიქტი. შესაბამისად, პითონი ამ შემთხვევაში ძველი წყობის განმასახიერებელია, რომელიც დათრგუნულია აპოლონის მიერ. მსგავს მოტივს განეკუთვნება ზევსის მიერ ტიფონის (ტითონის) დამარცხება, პერსევსის გმირობა და ა.შ.

წმინდა გიორგის მიერ გველეშაპის ძლევის ამბავიც ანალოგიურ სიუჟეტს ეფუძნება. (ზოგადად, წმინდა გიორგის თაყვანისცემამ ძალიან ბევრი რამ შეითვისა წინაქრისტიანული კულტებისაგან, მათ შორის – აპოლონისგან). შეიძლება ითქვას, რომ კაპადოკიელი მხედარი ახალი რელიგიის, შესაბამისად, ახალი წყობილების სიმბოლოა, ხოლო გველეშაპი-დიოკლეტიანე – ძველი, თუმცა გაბატონებული წარმართული საზოგადოებისა, რომელიც მთელი ძალით ცდილობს, საკუთარი ძალაუფლება შეინარჩუნოს. რაც შეეხება სინათლესთან კავშირს, წმინდა გიორგის თაყვანისცემამ მცირე აზიის ტერიტორიაზე (ასევე საქართველოში) მთვარის ღვთაების კულტი ჩაანაცვლა. უფრო მეტიც, საქართველოს რესპუბლიკის გერბზე გამოსახული თეთრი გიორგი სწორედ წარმართულ სიმბოლო უფროა, ვიდრე კანონიკური წმინდანი.
წმინდა გიორგი ამარცხებს გველეშაპს. ქართული ტიხრული მინანქარი

საინტერესოა, რომ ერთ-ერთ პირველ საბჭოთა მარკაზე მეტნაკლებად ”ქრისტიანული” სიმბოლო მოხვდა, რომელიც წმინდა გიორგისთან მსგავსებას ბევრს აღუძრავს. შესაძლოა, ანალოგია შემთხვევითია და ანტონოვს წინასწარი განზრახვა არ ამოძრავებდა. მთავარი ისაა, რომ პირველ საბჭოთა რუსულ მარკაზე გამოსახული სამივე საკვანძო სიმბოლო – ახალგაზრდა მამაკაცი, გველეშაპი და სინათლე  იმავე იდეას გამოხატავენ, რის განსახიერებადაც აპოლონის, ზევსის და წმინდა გიორგის დრაკონებთან ბრძოლა საუკუნეთა მანძილზე აღნიშნავდნენ – ძველი საზოგადოების და წყობილების დამარცხებას, ახალი წესრიგისკენ – სინათლისკენ სწრაფვას და გამარჯვებას.

იანვარი 11, 2011 Posted by | ლეგენდები კომუნიზმზე, ფერადი | , , , , , , , , , , , | 3 Comments

გუდაუთის სამხედრო ბაზა Google Earth-ში/Gudauta Military Base in Google Earth

Google Earth-მა განაახლა რამდენიმე კოსმოსური ფოტო, მათ შორის რუსეთის მიერ ოკუპირებული აფხაზეთის ტერიტორიაზე. გუდაუთის თავზე 2009 წლის ივლის-აგვისტოში გადაღებულ სურათებს თუ გადავხედავთ, ვნახავთ, რომ ამ ტერიტორიაზე აქტიურად მიმდინარეობს სამხედროების განლაგების პროცესი. ეს არავისთვის აღარაა საიდუმლო, თუმცა სამხედრო ტექნიკის რაოდენობა და ჩატარებული სამუშაოები მართლაც შთამბეჭდავია.
Google Earth updated several satellite images at the territory of Abkhazia. Photos shot in July-August of 2009 show that the arrangement of troops is very active. It is not a secret nowadays however the number of technics and work done is striking.

ტერიტორიაზე ტექნიკის კონცენტრაციის რამდენიმე კერა შეინიშნება, რომელიც პოლიგონებითაა შემოსაზღვრული.
There are several clusters of concentration which are indicated with polygons

მიახლოებითი გადათვლის შემდეგ აღმოჩნდა, რომ ამ პერიოდისათვის სამხედრო მანქანების რაოდენობა ბაზაზე 300-ს აღწევს. მათი უმეტესობა ასაფრენი ზოლის მიმდებარე ტერიტორიაზეა თავმოყრილი.
After estimated counting it is clear that in this period the number of military trucks in the military base is about 300. Most of them are concentrated near the airdrome



ამასთან ნათლად ჩანს 100-ზე მეტი კარავი, რომლებიც სამხედროების საცხოვრებლად გამოიყენება, სავარაუდოდ, ძველი ინფრასტრუქტურის განახლებამდე
Moreover 100 and more military tents can be observed which probably are used for living till the reconstruction of old infrastructure.


დაკვირვების შედეგად ჩანს, რომ დაახლოებით 15 შენობის სახურავი განახლებულია.
Is is clear that the roofs of about 15 buildings are reconstructed.

მარტი 6, 2010 Posted by | ფერადი, History of Russian Occupation | , , , , , , , , , , , , , | %(count)s კომენტარი

უკანასკნელი ნავსაყუდელი

ალბათ გახსოვთ რონ ფრიკის ფილმი ”ბარაკა”. მისი ერთ-ერთი ეპიზოდი აღწერს მსოფლიოს უდიდეს სამხედრო თვითმფრინავების სასაფლაოს დევის-მონტენის ავიაბაზაზე არიზონაში (აშშ). ალბათ დამეთანხმებით, რომ სანახაობა Google Earth-დანაც ძალიან შთამბეჭდავია…



მარტი 4, 2010 Posted by | ზღვაოსნის ჩანაწერები, ფერადი | , , , , , , | დატოვე კომენტარი

Damaged Kopitnari Airport after Russian invasion; August 2008./დაზიანებული კოპიტნარის აეროპორტი რუსული აგრესიის შემდეგ; აგვისტო 2008

Google map-ის რუკაზე კარგად ჩანს რუსული თვითმფრინავების მიერ დაბომბილი კოპიტნარის აეროპორტის ასაფრენი ბილიკი.

თებერვალი 8, 2010 Posted by | ფერადი, History of Russian Occupation | , , , , , , , | დატოვე კომენტარი

   

%d bloggers like this: